بسم الله الرحمن الرحيم
في السيزيام جبت 5.05 معرفتش واش
نقطتي او لا حرت ودارت بيا الارض كيفاش
نجيب هاذ نقطة هادشي ماشسي بصح هادي هي اسئلة لي دارت في بالي ديك الساعة وجات
لحظة الحسم واش نعاود او لا واش نكمل قررت نكمل اللباك وملي وصلت للباك تم بدات
المعاناة والمشاكل في اول عام بديت كندخل عادي دراسة بشكل عادي
مكنت عارف بززاف تاع الامور ملي جيت نشوف نقطة لقيتها 10 تصدمت وداز العام كيما هو ملل لدرجة كبيرة و فاش
دوزنا الامتحان داز مزيان جيت نشوف راسي لقيت راسي في لائحة
المستدركين مشيت دوزت وانا عارف راسي ساقط
وعاودت العام كيما هو عاد تزادت مشاكل اخرى خارجية اترات على الدراسة ديالي
اكتر دوزت الفروض والامتحان لقيت نفس سيناريو
تعاود الاستدراكية ما يمكنش هادشي لالالا
ماشي بصح مقدرتش نصدق راسي بلي منجحتش تصدمت بقا فيا الحال بزززززززاف دوزت الصيف
جحيم مبقيتش عارف فين نمشي ولا فين نجي ولا اش ندير ولا كيفاش نلقا خدمة عاد بالي
خدمة ساهلة باش نلقاها دازت العطلة وجا وقت التسجيل كاع الناس مشاو تسجلو وانا
بقيت كنفكر جاو شي دراري عا عاود مكين
مشكل راه الاستادة غادي يتعاملو
معاك ومعانا راهم عارفين الدراري باغين
يقراو ومشيت عملت ملف الاستعطاف دفعتو الادارة و بعد 15 يوم
عيطيو عليا اجي تقرا مشيت وانا مقادر نشوف في عينين تلاميذ كئيب لدرجة لا تصور مقدرتش حتى نهدر او نقول شي كلمة جلست جا عندي
الاستاذ صابر (استاذ في مدينة البئر الجديد)
قال ليا شوف ا ولدي انت معاود العام يااك انا راه كين في لجنة تاع
الاستعطاف و قبلت الملف تاعك حيت انت
مكتديرش شغب وعمرنا سمعنا شي حاجة عليك و دابا جمع راسك وقرا و التلاميذ لي باغين
يقراو غادي نتهلى فيهم بالنقطة '' هادشي لي قال ليا حرك فيا واحد الكائن
عبقري كان ناعس هادي سنين وليت
المواظبة ديما 8 وفاش كنمشي لدار كنقرا
داكشي لي درنا فقط كنقرا لا غير وكنجلس نتكونيكطا مع صاحبي تال 1 صباح وكنفيق مع
8 اصلا دار مدوزوش معايا اجمل عام عشت في
هاد السنوات كلها كانو في في كازا مشاو يعالجو واحد الاخت تاعي مهم كل يوم كندير
هاد بروغرام نرجع نقرا شوية داكشي لي درنا
اليوم لا غير وكنت كنركز مزيان مع الاسستاذ وكنسجل داكشي لي كيقول وكيركز عليه فاش
كيجي فرض كيحيط داكشي لي كان كيشرح و من
عند الله منكناش نحتاجو للحفاضة حيت فهمت حسن ليا منبقا نحفظ واحد الاستاذ سميتو
أيت علال (استاذ في نفس مدينة) كان كل حصة شفوي في الاجتماعيات كيسولنا على داكشي
لي درنا في حصة سابقة و من عند الله كان كيجي
عندي انا واحد جوج دراري و كانت طريقتو كانت تحفز الناس لي بغا تقراو بحال '' يالاه شكون لي ذكرنا بداكشي لي درنا
سابقا تا كين هنا اسي عيسى مرحبا بيك ههه
بحال يلاه شافني '' والحمد لله دوزنا
فروض وكانت نقط 15 16 17 وفاش جات لحظة
الدورة الاولى لقيت راسي 14.96 تاني نقطة في القسم او تالت معقلتش مزيان و الدورة
التانية دازت بنفس الوتيرة و جبت 15.07
وجا الامتحان فيا شوية ديال الخلعة و الخلعة تاع
بصح قلت في نفسي: لي دارها الله هي
لي كنية ونتوكل على الله دوزناه فاش شفنا
في تعليم بوان ما لقتيها 9.89 الصدمة هي
هادي تعصبت بديت نخوت ولاعلاش تفو
(حاشاكم) مرض يخ ودازت ديك 15 يوم بسرعة جات الاستدراكية دوزتها ودازت الايام وانا معلاباليش مكونيكطي شاد ستون
مع الاصدقاء حتا طلع ليا واحد منهم وتا قوووول مبرووك نجحت
قال ليا دخل شوف فاش قالها قلبي تزعز تخعلت ولا قلبي كيضرب 1000000 في تانية دخلت مود باس والاميل كنتفتف وطلعت ليا 10.68 بقيت كنشوف فيها ليكون هادشي
كذوب ولا غلط بقيت مسمر شي 10 دقايق مكنتحرك
موالو سمعت دقان في باب لقيت مالين دار جاو من كازا حليت قبل ما نقول ليهم قالو اش درتي : قلت يلاه غادي نشوف طلعو معايا
لفين كين حاسوب بقيت كنشوف فيهم وكنشوف في حاسوب قالو ليا مالك قلت ليهم على خفلة نجحت ميمتي
عنقاتني وبدات كتبكي بصحب صح وريني اوليدي بصحب صح :’( و فرحت بزززاف اجمل إحساس في كون كولو تفرح
والدة تاعك و تضحك من قلبها هادي قصتي مع
الباك لي مصدقنيش نعطيكم ارقام هواتف
اصدقائي ولا سولو عليا في تانوية الاماام البخاري البئر الجديد – اصدقائي انا باغي
ليكم عا الخير والله ينجحكم وتفرحو والديكم كلكهم